"Эмоциялық тұрақтылық бақытты баланың кепілі"

Ата-аналарға арналған кеңес
«Эмоциялық тұрақтылық – бақытты баланың кепілі»
1. Балаңыздың сезімін мойындаңыз.  
– «Сен ашуландың ба?», «Сен қазір ренжідің бе?» деп, оның эмоцияларын атап өту — оны түсінетініңізді білдіреді.
2. Сезімдерді сөзбен айтуға үйретіңіз.  
– Балаға: «Мен қуандым», «Мен ренжідім» деген сөздерді қолдануға жағдай жасаңыз. Бұл — ішкі эмоциясын дұрыс шығаруға көмектеседі.
3. Өзіңіз үлгі болыңыз.  
– Эмоцияны басқарудың үлгісін өзіңіз көрсетіңіз. Жиі ашуланып, дауыс көтеру — баланың тұрақсыз мінез-құлқын қалыптастырады.
4. Тығылған эмоцияларды шығару жолдарын ұсыныңыз:  
– сурет салу, жастықты ұру, пластилин илеу, музыка тыңдау, таза ауада серуендеу.
5. Баланың жетістігін жиі атап өтіңіз.  
– Бұл баланың өзіне сенімін арттырып, ішкі күйін тұрақтандырады.
6. Баланы қорқыту, ұялту арқылы тәрбиелеуден аулақ болыңыз.  
– Мұндай әдістер эмоциялық жарақат тудырады.
7. Тыныштық бұрышы ұйымдастырыңыз.  
– Бала сол жерде өз сезімімен оңаша қалуға үйренеді (жастық, ойыншық, кітап, құм т.б.).
Ұмытпаңыз!
Эмоциялық тұрақты бала — өз сезімін танитын, түсінетін және дұрыс жеткізе алатын бала. Ол өз ортасында сенімді, үйлесімді өмір сүреді.
Дефектолог   Курмашова Г. Т